曼城大軍星光熠熠。
1/2
曼城28人大軍名單。
2/2
曼城周三(29日)啟程展開亞洲之旅，球會亦正式公布28人出征名單，挪威前鋒艾寧夏蘭特一如所料並冇隨隊，不過安東尼施美安、雷恩達斯、加華度爾、高華錫等6位有份踢世盃嘅球星都有份，訪港陣容仍然星光熠熠。
曼城喺新領隊馬利斯卡帶領下，周三喺曼徹斯特起程亞洲之行，第1站就係香港。雖然夏蘭特、洛迪卡斯簡迪、艾利洛安達臣等主力，踢完世盃後放假仍未歸隊，外借回歸嘅基亞利殊亦因傷並未隨行，但曼城陣容仍然星味十足。
無緣踢世盃嘅菲爾科頓、基安盧基當拿隆馬當然在陣，6位有份參加世盃嘅球員安東尼施美安、雷恩達斯、加華度爾、高華錫、艾洛利同卡胡辛洛夫，結束假期後立即歸隊備戰，就連盛傳同熱刺斟緊轉會嘅巴西翼鋒沙雲奴都有隨隊。
曼城周四(30日)會喺紅磡出席公開活動，周六(1日)晚會喺啟德同意甲勁旅國際米蘭交鋒，進行季前首場熱身賽。「藍月亮」完成香港站後，就會轉飛首爾對韓職明星隊。
最強博彩盤路過關神器《串績王》：http://win.on.cc/football/